السلام عليكم ورحمة الله وبركاته

كيفكم يا أعضاء وزوار منتديات النايف

قبل كل شي أحب أعرفكم على نفسي

الأسم
مبارك الودعاني


العمر
26 سنه

الهوايات
لعب كرة القدم وتصفح الإنترنت

أعشق نادي الهلال ومرات أسافر لجل حضور بعض مبارياته المهمه

طفولتي كانت مليئه بالمغامرات كنت ما أحب المدرسه ولا أحب مادة الرياضيات
حتى لو أحد يسئلني الحين 1 *1 = كم ما راح اعرف أجاوب

كان فيه أرهاب في المدرسه جلد وتعليق ورعب حتى برا المدرسه تنجلد لان المدرس شافك تلعب كوره

طبعاً بعد ما خلصت المرحله الابتدائيه وانتقلت للمتوسط كنت مصمم اني اسوق السياره

ولابد اروح واجي للمدرسه بسياره

بعدها قررت اتعلم السواقه

فقرر أبوي يعلمني وياليته ما علمني


اكمل سالفة تعلم السواقه بكره

هلا احبتي

أكملكم سالفة سواقة السياره

بعد ما قررت واصريت عطاني ابوي سياره وقبل ما يعطينيها عطاني دورات تدريبيه كل يوم ساعه بالمزرعه الخاصه فينا

وأنواع الضرب على الراس والضرب لما أسوي شي غلط


كانت السياره قديمه يعني كان متوقع اني اسوي حادث لا واللي بط سبدي ابوي يقول ما راح تعرف تسوق إلا لما تسوي حادث :36_1_19[1]:

بعد ما سقت كنت على الريحه حتى البقاله اللي جنب البيت الجدار بالجدار اروح لها بالسياره

رحت للمدرسه وكل شوي ادخل يدي بمخباي أتأكد المفتاح موجود ولا لا

ولما يمر احد اطلع المفاتيح << من قده

وبعد مرور كم شهر وانا بالسياره طلعت علي سياره ما عرفت ايش اسوي

وبدال ما امسك فرامل دعست على البنزين وبعدها أغمضت عيني وصدمت السياره

طلع نسيبي :image097:

وفعلا كان كلام أبوي صحيح ما عرفت اسوق السياره ببراعه إلا لما سويت حادث

مسائكم عسل

أنا خلصت المرحلة المتوسطه والثانويه
والحمدلله ما عدت ولا سنه بس كنت انجح بعد مشقه كبيره


بعد الثانويه العامه كانت نسبتي نازله مره ما راح اقولكم كم حتى لا احد يضحك :image019:

ما التحقت في اي جامعه ولا كليه لان نسبتي ما تساعد رحت وقدمت على احد الشركات الصحيه واشتغلت بأحد المستشفيات
جلست في المستشفى لمدة سنه وكنت اشتغل في الإستعلامات وخدمة المرضى

بعدها رحت لأحد المشايخ في المحكمه وطلبت منه يوظفني عنده

الحمدلله كانت الامور تمام وتوظفت بس لمدة يوم واحد بس :image097:
لاني قبلت بعدها مباشره في الكلية بالأحساء

صراحه عشت أيام حلوه في الأحساء مدينه حلوه واهلها طيبين

وأخذت الشهادة والحمدلله وتوظفت وأموري عال العال :36_1_11[1]:


والحين عندي رغبه في التكميل بس ما حصلت فرصه وإن شاء الله قريباً أكمل الدراسه

<<== يطمح للدكتوراه :36_1_12[1]:

مساء الخير يا أعضاء النايف


صراحه الأيام اللي فاتت فكرت بمشروع

<<=== ناوي يصير من رجال الأعمال :image097:

المهم فكرت وقررت اني أصير من تجار الأغنام

الفكره اني اشتري مجموعه من الأغنام وتكون صغيره وبسعر قليل ومن ثم أقوم بتربيتها بالمزرعه وبعد أن تكبر وتسمن أبيعها بمكسب

بعدها صاحبت طبيب بيطري مصري صراحه بيطري مميز :36_17_1[1]:

أسمه أبو أحمد

وصار هو يشرف على الغنم ويعالجها


المهم

شكلي بخسر الغنم فجأه مرضت وكل يوم خروف طايح مرضان

عين ما صلت على النبي

فياليت تدعون لي بالتوفيق والنجاح

مسائكم خير وجمعه مباركه على الجميع

يوم أمس الخميس كان يوم حزن

فقد توفي زوج خالتي غفر الله له وأسكنه فسيح جناته

خبر نزل علي مثل الصاعقه

أسئل الله أن يغفر له ويرحمه

هذه حال الدنيا حزن وفرح

يوم أمس الخميس حل الحزن مكان الفرح وذرفت الدموع
اليوم الجمعه انقلب الحزن فرحاً بقدوم سلطان الخير

اليوم الجمعه وفي تمام الساعه 9 من هذا المساء سيصل ولي العهد السعودي الأمير سلطان بن عبدالعزيز ويرافقه الأمير سلمان بن عبدالعزيز أمير منطقة الرياض


أسئل الله العظيم أن يجنبنا وياكم كل سوء

أهلاً بكم من جديد

وأسف للغيبه الطويله


المهم باركولي انا شريت بلاك بيري بولد 9000

وهذه صورة الجهاز :020:

مسائكم عسل

واسف على الغيبه

المهم الاسبوع الماضي رجعت بعد طول غياب للعب كرة القدم

طبعاً بدون مقدمات لعبة مباراه بعد ما كونت فريق ولعبنا مباراه مع فريق ثانوية
كل الامور جت بيوم واحد بعد تحدي بيني وبين مدرس الرياضه


المباراه اقيمت يوم الاربعاء الموافق 12 / 6 / 1431 هـ

الساعه الخامسه بعد العصر

انتهت بفوزنا 8 اهداف بمقابل 6 اهداف للفريق الخصم

<<== سجل هدف ولا اروع

بعدها بيوم لعبنا مباراه مع فريق مكون من جنود بالجيش

فزنا

5 / 4

طبعا كنا بنخسر والامور سائت بعد خروجي

<<<== تكفى يا مسي

الليله اخر ليلة من ليالي شهر رمضان المبارك

اسئل الله ان يعتق رقابنا من النار


وكل عام وأنتم بخير


<<== توه واصل من مكه من يومين

وابشركم اعتمرت وصليت ليلة 27 بالحرم

اسعد الله مسائكم بكل خير


صراحه انا حزين لخروج الهلال والشباب من بطولة دوري اسيا للأبطال

وخيرها بغيرها


نسيت اقولك خبر مهم

الاسبوع الماضي بعت سيارتي

والحين انا بدون سياره

اسعد الله مسائكم بالخير والمسرات

كنت اتصفح النت تحصلت على صوره عرضت في جريده الجزيره بعد فوزي بسياره


جريده الجزيره في عام 2005 م طرحت مسابقه وفزت بأحد جوائزها

أول مره في حياتي أفوز بجائزه

اكيد الحين متحمسين تبون تشوفون صورتي وانا استلم الجائزه

طبعا للي ما يعرفني انا اللي في الوسط




على فكره ترا السياره بعتها من زمان يعني لا احد يجي ينطل وجه يبي اركبه في السياره