هذه القصيدة بمناسبة اليوم الوطني للمملكة العربية السعودية بتاريخ: 19 / 8 / 1426 هـ سلام الله سلام الله يا دار العز والإيمان = بلاد ما وطاها الغازي المحتل وأعوانه بلاد في ذرا آل سعود لا هانت ولا تنهان = وعسى الله يرحم اللي حط بالسيف والقرآن عنوانه رحمك الله يا عبدالعزيز الفارس الباني الربان = لنا حطيت صرح معتلي وعليت بنيانه بنيت المجد والأمة وشعب كان في شتان = وعمار المسجدين أرخصت من مالك على شانه وتبين عقبه اللي مثل نور الصبح يوم بان = سعود العز والمجد الرفيع وبان نيشانه على صهوة جواده يقود الخيل والفرسان = على شعبه ذرا وحجاب ونار صوب عدوانه ومثل هذا مشى فيصل عريب الساس والجدان = حكيم حاكم عادل وعم الدار بحسانه ولا ننسى ذكر خالد إلا ما اصطكت الجيلان = نسل عبدالعزيز مشيد البنيان وأركانه وفهد خادم البيتين ساس للكرم عنوان = حمى حده بوقت زل وأيضا ضيف جيرانه حمى الخفجي ورد كويتنا الغالي ولا شن كان = وأخو مريم يماريبه بيوم رد دسمانه أبو متعب سوات الغيث للشعب السعودي بان = علينا مثل هتان المطر يخضر بستانه أبو متعب ذرانا من لهوب القيض والأحزان = ذرانا وأن بدا اللازم نبيع الروح من شانه ومن غيره كبير السن يجلس قول ما تبي برهان = وصغير السن من حبه يحط الورد بسمانه وكم من فقير راح يضحك من العطاء فرحان = وبشر والدينه بالسعد ثم فرق أحزانه وتخلى من الجلاله والجلاله لله الرحمن = وعن حب الأيادي قال ما نقبل على الهانه وخص بخدمة البيتين وزاده ذا شرف وإيمان = يقوم بخدمة الإسلام وأيضا ناس جوعانه وأبو خالد زبون من التجابه لا احتمى الميدان = ولي العهد ومال للعهد راعي غير سلطانه لكم منا الولا والعهد قبلي سابق الجدان = ابن عامر يقوله والفدى للشيخ وأخوانه يعيش الشعب في ظلك يا بونا قايد الشجعان = يقود الأمن بجنود وحط الشعب باعيانه أبونا سيدي نايف إلا حمي الوطيس يبان = وهل التخريب من فعله عليهم ثار بركانه يطول العمر بك يا سيدي يا مير العاصمة سلمان = وتبقى ذخر من حده شديد الوقت وأزمانه وصلاة الله على محمد عدد ما اهتزت الأغصان = عدد من طب بيت الله وطاف البيت بركانه

أدوات القصيدة

النسبة 2.76/5 (55اجمالي)

• 1
• 2
• 3
• 4
• 5