قلت هذه القصيده أنصح فيها إبني : عبدالله وهي للشباب عامه واتمنى بأن أكون قد وفقت بهذه الأبيات .............. يالله ياللي كل خلقه برجواه = يا واحد كل البشر يرتجونه بدعت لي قاف بنيته على اه = والشطر الأخر بين واو ونونه والله ثم والله والله والله = ما يهفي الرجال كون المهونه ابيك أنا يا بوك جدك وشرواه = مثله وما قلنا لكم تقبلونه وابيك ذخرن لي على كل ما شهاه = وابيك الاجار الزمن لي معونه واتبع طريق العود واحفظ وصاياه = وابي طريق المرجله تسلكونه عبدالله اسمع لي وما قلت توحاه = واللي بعد قافي معك يسمعونه هذي وصايا شايب يحسب اخطاه = واسمع وصايا قالها من شجونه الأوله واجب ولا ابغاك تنساه = وتطلب رضا رب حما البيت واركونه وترا ابوك وامك والله اللي ومر برضاه = ولا تذخرون الشي يا صاح من دونه وحذر يابن لاجواد من النار تصلاه = وحفظ كتاب الله وجود امتونه واحفظ حقوق الجار والضيف وزراه = وقوم له الميسور واحذر تخونه وحفظ حيا وجهك ولا تتبع اشباه = اشباه ناس وصلهم يقطعونه وحذر صديق اسو واحذر امداراه = ووصل القرابه لازم تاصلونه وصلاة ربي عد غيث نثر ماه = واعداد ما هز الهوا من اغصونه على نبي كلنا نتبع اهداه = تعداد ما هل المطر من امزونه

أدوات القصيدة

النسبة 3.13/5 (48اجمالي)

• 1
• 2
• 3
• 4
• 5