• ×

راكب اللي يعجب السواق

زيادة حجم الخط مسح إنقاص حجم الخط
راكب اللي يعجب السواق لامنه انتوا
وارد اليابان توه ورد من مصنعه

من حفيزه فوقه الفكسار وكل(ن) له هوا
هو هوا من وراه جموس قامت تتبعه

ساقه اللي يوم فره مع اللفه عوا
عوي ذيب جايع هاجد في مطمعه

نصه اللي في لزومي ما تعذر والتوا
ريف هشال الخلا شوف عيني واسمعه

شيخ يا ساس المراجل ولا عنه إنزوا
يوم غيره راس ماله يصره واجمعه

يابو سالم القلب مني عليل وانشوا
من سبايب كامل الزين داعج مدمعه

يا وجودي وجد منهو يبيت من القوا
ماتت أمه مالقو له حليب يرضعه

ويا وجودي وجد عود من القوم انكوا
ساقو ابله يوم ماله شليح ينفعه

جعل من عداه عني بقبر ينطوا
جعل يفداك الردي شوف لي حل معه

بواسطة : elnaif
 0  0  463