• ×

راعي الحب

زيادة حجم الخط مسح إنقاص حجم الخط
عسى الله يساعد راعي الحب والمشراف
رقى عالي المرقاب ثم جر بلحونه

يحب القلوب اللي لها في الهوا ميقاف
وراعي الهوا عزاه لا كثرة شطونه

وأنا لا ذكرت اللي طرالي بدعت القاف
وقاف لامن سمعه هل الشعر يشفونه

طعني بعين كنها عين ريم شاف
تذير وخاف من القنانيص يرمونه

وله من تحت حمر الشفايا ثمان نضاف
وكن البرد من نوعهن لو يصفونه

وأنا منه جسمي ناحل والضلوع ضعاف
وكني غرير ماتت أمه يلهونه

إلا من تنطحه الهوا والخصور صخاف
تبين ثمر تفاح لاجاو يجنونه

ولا من تقفاه الهوا صحت يا الرواف
تروف بصويب بالدواء ما يفيدونه

بواسطة : elnaif
 0  0  330