• ×

وقفة الدكتور

زيادة حجم الخط مسح إنقاص حجم الخط
جعل رجل ما يوقف وقفة الدكتور في يوم اللزوم
جـعـل مـالـه ســوق لاسـهـم وحـالـه للـفـنـا


وجعـل قصـره قاصفـات الجـو مـن فوقـه تحـوم
يـسـتـوي والـــلاش حـتــى بـنـومـه ماهـتـنـا


وبمدحـه يـوم مـدح الشيـخ صـار أمـر امحـتـوم
يوم فعله في قديمات الليالي معي جاله سنـا


فعلـكـم يــا شـيـخ والله وصــل حــد الـنـجـوم
وبان فعل ابوك فـي شقـةٍ راح فيهـا اللـي جنـا


جعـل يـفـداك الــردي وجـعـل تـفـداك الـرخـوم
وجعـل يومـك يـا طويـل العمـر يبطـي مــا دنــا


الأوادم تـشـتـبـه فــــي جــديــدات الــهــدوم
وانـت مثـل طويـق يـا شيـخ مثـلـك فــي قـنـا


واحـمــدالله لابـتــي فـــي ذراهـــا الـعــز دوم
تـمـن الـخـايـف وضـــده يـصـيـح مـــن الـونــا


والـسـلام اخـتـام والـنـاس معـطـى ومـحــروم
يـا بـو مساعـد واقبـل القـاف مـن شـيـخ عـنـا


يـمـكـم عـنَّــا اركــابــه وبـالـظــرف امـخـتــوم
ولا يـشـيـب الـقــاف وانـــت وأنـالــه مـمـعـنـا








الــــــــســــــــبــــــــت: 27 / 10 / 1427 هـ





بواسطة : elnaif
 0  0  214